QSHRT - Rr. Kont Urani No. 10 • Tirana • Albania
Web - www.arct.org
E-mail: info@arct.org

ANTOLOGJIA E KRIMIT KOMUNIST

Antologjia e krimit komunist bën pjesë në serinë e botimeve të Qendrës Shqiptare për Rehabilitimin e të mbijetuarve nga Trauma dhe Tortura (QSHRT), botime që prekin të kaluarën historike të Shqipërisë. Rëndësi të veçantë QSHRT i ka kushtuar faktit që të vërtetat historike duhet të jepen siç janë, pa mbishtesa apo interpretime politike e ideologjike.

Totalitarizmi shqiptar mban mbi shpinën e tij një pafundësi krimesh, e në të gjithë këto krime spikat roli drejtues i partisë komuniste (Parti e Punës) nën udhëzimet direkte të Enver Hoxhës. QSHRT përmes arkivës të saj dhe bashkëpunëtorëve të shumtë – në veçanti puna e zotit Tomorr Aliko ka qenë e lavdërueshme – bëri të mundur që për herë të parë publikut shqiptar t’i jepen disa qindra fotografi, shoqëruar me biografi të shkurtra, të viktimave të terrorit komunist, të goditur nga gjyqet speciale komuniste.

Përmes këtyre materialeve bëhet e qartë se si komunizmi feudal i mbjellë nga Enver Hoxha dhe banda e tij, genocidoi për gjysëm shekulli
elitën politike e intelektuale shqiptare të periudhës së parakomunizmit.

Genocidimi i kësaj elite vijoi sistematikisht, përmes strukturave të makinës së diktaturës, burgjeve, kampeve të punës, sekuestrimit, internimit, depersonalizimit... Burgu, ky institucion i përbindshëm i diktaturës komuniste, ishte një ferr i vërtetë: zyrtarisht kapaciteti i vendeve në burgje dhe kampe ishte rreth 3000 persona, e në fakt numri i tyre çdo vit e kalonte 5000....

Contact designer